پری پرائمری اور پرائمری کے آن لائن کلاسز کا وقت مقرر

نرسری سے لے کر یو کے جی تک کے بچوں کو پڑھانے کی خاطر آدھے گھنٹے کا وقت مقرر کیا گیا ہے جبکہ پرائمری کلاسوں کے بچوں کو پڑھانے کے لئے روزانہ ڈیڑھ گھنٹہ کی حد مقرر کی گئی ہے۔

جموں و کشمیر انتظامیہ کی جانب سے ایک اہم فیصلے کے تحت پری پرائمری اور پرائمری کے آن لائن کلاسز کے لئے نئے رہمنا خطوط جاری کئے گئے ہیں۔ محکمہ اسکولی تعلیم نے پری پرائمری اور پرائمری بچوں کو آن لائن موڈ کے ذریعے روزانہ 30 اور 90 منٹ تک پڑھانے کا وقت مقرر کیا ہے۔

نرسری سے لے کر یو کے جی تک کے بچوں کو پڑھانے کی خاطر آدھے گھنٹے کا وقت مقرر کیا گیا ہے جبکہ پرائمری کلاسوں کے بچوں کو پڑھانے کے لئے روزانہ ڈیڑھ گھنٹہ کی حد مقرر کی گئی ہے۔ آٹھویں جماعت کے طلباء کے لئے 30 سے 45 منٹ کا دو سیشن طے کیا گیا ہے۔

واضح رہے گزشتہ دنوں سماجی رابطہ گاہوں پر ایک 6 سالہ بچی کا ریڈیو وائرل ہوا تھا، جس میں مزکورہ بچی وزیر اعظم نریندر مودی سے مخاطب ہوکر آن لائن کلاسز سے متعلق شکایت کرتی ہے کہ انہں آن لائن کلاسز کے ذریعے زیادہ بوجھ ڈالا جارہا ہے۔ جس پر نظر ثانی کی ضرورت ہے۔