Mustafa Kamal Slams BJP Govt: اصل حقائق سے توجہ ہٹانے کیلئے اوچھی سیاست نہ کی جائے، این سی

نیشنل کانفرنس کے معاون جنرل سیکرٹری ڈاکٹر مصطفیٰ کمال نے کہا کہ مرکزی سرکار اصل حقائق سے توجہ ہٹانے کے لیے آئے روز نئے فرمان جاری کرتی ہے، جس سے عوام اکتا چکے ہیں۔ لوگوں میں بے چینی اور اضطراب دن بدن بڑھ رہا ہے۔ Dr Mustafa Kamal Slams BJP Govt

سرینگر:نیشنل کانفرنس کے معاون جنرل سیکرٹری ڈاکٹر مصطفیٰ کمال نے مرکزی حکومت کو ہدف تنقید بناتے ہوئے کہا کہ اصل حقائق سے توجہ ہٹانے کے لیے مرکز کی جانب سے آئے روز نئے فرمان جاری کیے جاتے ہیں، جس سے عوام اکتا چکے ہیں جب کہ لوگوں میں بے چینی اور اضطراب دن دبدن بڑھ رہا ہے۔ ان باتوں کا اظہار ڈاکٹر مصطفیٰ کمال نے بدھ کے روز پارٹی ہیڈ کواٹر سرینگر میں کیا۔ Dr Mustafa Kamal Slams BJP Govt

انہوں نے کہا کہ مرکزی سرکار دو تہائی اکثریت سے وجود میں آئی ہے۔ ایسے میں بی جے پی کو کسی بات کی کوئی پرواہ نہیں ہے۔ ملک اس وقت مختلف مسائل ومشکلات سے گھرا ہے۔ وہیں ملکی عوام کے ساتھ ساتھ جموں و کشمیر کے لوگ بھی مصائب و مشکلات سے جوج رہے ہیں۔ ایک جانب سے جہاں لوگ مہنگائی کی مار جھیل رہے ہیں، وہیں دیگر مسائل نے بھی لوگوں کا جینا دوبھر کر دیا ہے۔ ایسے میں سرکاری عوام کو درپیش مشکلات و مسائل کا ازالہ کرنے کے بجائے لوگوں کا دھیان دیگر چیزوں سے بھٹکا رہی ہے۔

ڈاکٹر مصطفیٰ کمال نے بی جے پی کو یہ نصیحت بھی دے ڈالی کہ چھوٹی موٹی چیزوں پر سیاست کرنا آپ کے لیے بہتر نہیں ہے کیونکہ لوگ بے حد تنگ آچکے ہیں اور ان کے صبر کا پیمانہ لبریز ہورہا۔ ایسے میں عوامی مسائل و مصائب کو دور کرنے پر دھیان دینے کی ضرورت ہے نہ کہ اوچھی سیاست میں وقت کو ضائع کرنے کی۔

نیشنل کانفرنس کے معاون جنرل سیکرٹری ڈاکٹر مصطفیٰ کمال نے مزید کہا کہ ان دنوں اگرچہ پارلیمنٹ کا اجلاس جاری ہے لیکن ایک دن بھی ایوان کی کارروائی بغیر شور غل کے نہیں چلی پائی ہے۔ انہوں نے مرکز حکومت پر زور دیا کہ وہ لوگوں مسائل و مشکلات کو حل کرنے کی طرف اپنی توجہ مرکوز کرے تاکہ درپیش تکالیف سے عوام کو راحت دی جا سکے۔