دگ وجے سنگھ کے بیان کا خیر مقدم: فاروق عبداللہ

جموں و کشمیر کے سابق وزیر اعلی اور نیشنل کانفرنس کے سربراہ فاروق عبد اللہ نے دگ وجے سنگھ کے کشمیر سے متعلق بیان پر شکریہ ادا کیا ہے جس میں انہوں نے کہا ہے کہ کانگریس کے اقتدار میں آنے پر آرٹیکل 370 پر غور کریں گے۔

جموں و کشمیر کے سابق وزیر اعلی اور نیشنل کانفرنس کے سربراہ فاروق عبد اللہ نے دگ وجے سنگھ کے کشمیر سے متعلق بیان پر شکریہ ادا کیا ہے جس میں انہوں نے کہا ہے کہ کانگریس کے اقتدار میں آنے پر آرٹیکل 370 پر غور کریں گے۔

انہوں کے کہا کہ 'میں دگ وجے سنگھ جی کا بے حد مشکور ہوں۔ انہیں دوسری جماعتوں کی طرح لوگوں کے جذبات کا احساس ہوا ہے جو اس کے بارے میں بھی بول چکے ہیں۔ میں ان کا دل سے خیرمقدم کرتا ہوں اور امید ہے کہ حکومت اس پر ایک بار پھر غور کرے گی۔'

واضح رہے کہ کانگریس کے رہنما دگ وجے سنگھ نے کہا ہے کہ اگر کانگریس دوبارہ اقتدار میں آئی تو وہ کشمیر میں آرٹیکل 370 کی بحالی پر غور کریں گے۔

دگ وجے سنگھ کا یہ بیان سوشل میڈیا ایپ کلب ہاؤس کے ایک مبینہ ویڈیو لیک میں سامنے آیا ہے۔