Saeed Shehzadi over Jahangirpuri Violence: 'جہانگیرپوری تشدد پر اقلیتی کمیشن رپورٹ تیار کر رہا ہے'

نیشنل کمیشن برائے اقلیتی امور National Commission for Minority Affairs کی ممبر سعید شہزادی نے سرینگر میں پریس کانفرنس کے دوران کہا کہ ہماری ٹیم نے جہانگیر پوری کا دورہ کرکے حالات کا جائزہ لیا۔ کمیشن حقائق پر مبنی رپورٹ مرکزی حکومت کو پیش کرے گا اور جو افراد اس تشدد میں ملوث پائے جائیں گے ان کو سزا دینے کی تجویز بھی پیش کی جائے گی۔ NCM On Jahangirpuri Violence

نیشنل کمیشن برائے اقلیتی امور (نیشنل کمیشن فار مائنارٹیز) کا کہنا ہے کہ انہوں نے دہلی کے جہانگیرپوری میں ہوئے تشدد پر وہاں ایک ٹیم روانہ کیا، جو مرکزی حکومت کو رپورٹ پیش کرے گی۔ کمیشن کی ممبر سعید شہزادی نے سرینگر میں پریس کانفرنس کے دوران کہا کہ ایک ٹیم نے بدھ کو جہانگیر پوری کا دورہ کرکے حالات کا جائزہ لیا۔ انہوں نے کہا کہ کمیشن حقائق پر مبنی رپورٹ مرکزی حکومت کو پیش کرے گا اور جو افراد اس تشدد میں ملوث پائے جائیں گے ان کو سزا دینے کی تجویز پیش کرے گی۔ Saeed Shehzadi Reacts On Jahangirpuri Violence

سعید شہزادی گزشتہ دو روز سے سرینگر کے دورے پر تھیں جس دوران وہ مختلف وفود سے ملی جن میں جموں و کشمیر کے اقلیتی آبادی کے نمائندے بھی شامل تھے۔ کشمیر میں گذشتہ ہفتوں سے اقلیتی آبادی پر ہونے والے حملوں پر انہوں نے کہا اس طرح کے حملے ملک میں مختلف مقامات پر ہوتے رہتے ہیں تاہم ہماری تجویز ہے کہ ان حملوں میں ملوث افراد کو سزا دی جائے۔ انہوں نے مزید کہا کہ بیرونی ممالک میں بھارت کے اقلیتی آبادی کی نسل کشی پر مبنی رپورٹ شائع کرتے ہیں، جن میں کوئی حقیقت نہیں ہوتی ہے۔ انہوں نے کہا کہ ایسے رپورٹ بھارت کو بدنام کرنے کے لئے شائع کئے جاتے ہیں اس کے برعکس بھی کہ بھارت میں ہر طبقے کی آبادی مذہبی ہم آہنگی کے ساتھ رہ رہے ہیں۔Saeed Shehzadi Reacts On Jahangirpuri Violence