نابارڈ نے جموں و کشمیر کو 400 کروڑ روپے کی منظوری دی

زراعت اور دیہی ترقی سے متعلق قومی بینک نے دیہی علاقوں میں بنیادی ڈھانچے کو فروغ دینے کی خاطر، اِس مالی سال کے دوران مرکزی زیر انتظام جموں وکشمیر کے لیے 400 کروڑ روپے سے زیادہ کی رقم کو منظوری دی ہے۔

اطلاعات کے مطابق NABARD نے پبلک ورکس ڈپارٹمنٹ، پبلک ہلیتھ انجینیئنرنگ اور پشو پالن محکموں میں مختلف پروجیکٹس کے لیے 400.64 کروڑ روپیے کی منظوری دی ہے۔

مالیاتی کمشنر ارون کمار مہتا کی زیر صدارت، اجلاس میں نابارڈ کے مالی تعاون سے چلنے والے منصوبوں کے تحت انجام دی گئی کارکردگی کا جائزہ لیا گیا۔

میٹنگ کے دوران انہوں نے بتایا کہ اجلاس میں منظور شدہ منصوبوں پر تبادلہ خیال کیا گیا جس میں 85 دیہی سڑکیں اور پُل، 38 واٹر سپلائی اسکیمز کے علاوہ دو پشو پالن منصوبے شامل ہیں۔

NABARD نے اس سال کے اوائل میں 82 دیہی سڑکوں اور تین پلوں کی تعمیر کے لیے 209.87 کروڑ روپیے کی بھی منظوری دی ہے۔