مظفر شاہ نے کہا کہ 'اس طرح کے واقعات رونما ہونا اب یہاں معمول سا بن گیا ہے جس میں آئے روز معصوم نوجوانوں کو ایک نہ دوسرے بہانے ہلاک کیا جارہا ہے'۔
جموں وکشمیر عوامی نیشنل کانفرس کے سنئیر نائب صدر مظفر حسین شاہ
اے این سی کے نائب صدر مظفر شاہ نے اس حوالے سے پولیس کے بیان کو 'مضحکہ خیز' قرار دیتے ہوئے لیفٹینٹ گورنر منوج سنہا سے مانگ کی ہے کہ 'سوپور میں پیش آئے واقعہ کی مقررہ مدت میں غیر جانبدارانہ تحقیقات کی جائے اور قصورواروں کے خلاف سخت سے سخت کاروائی عمل میں لائی جانی چائیے'۔
انہوں نے کہا 'پولیس کا جو بیان سامنے آیا ہے وہ حقیقت پر مبنی نہیں یے کیونکہ پولیس اور ہلاک شدہ نوجوان کے اہل خانہ کے بیانات متضاد ہیں'۔ انہوں نے کہا کہ پولیس نے رات کے اندھیرے میں نوجوان کے فرار ہونے کی بات کی ہے ۔ انہوں نے نوجوان کی موت کو دانستہ قتل قرار دیا۔