Jashn e Kashmir Festival Concludes جشن کشمیر فیسٹول کی اختتامی تقریب کا انعقاد

تقریباً ایک ماہ تک جاری رہنے والے جیشن کشمیر فیسٹول کی اختتامی تقریب آج سرینگر کے ٹیگور ہال میں منعقد ہوئی۔ اس فیسٹول میں 2 ہزار فنکاروں اور تین ہزار سے زائد اسکولی بچوں نے اپنے فن کا مظاہرہ کیا۔ اس دوران کشمیر کے مختلف اضلاع میں بھی اس طرح کے پروگرام منعقد کیے گئے۔ Jashn e Kashmir Festival Concludes

سرینگر:شاہ کلندر فوک تھیٹر اور اکیڈمی آف آرٹ کلچرل اینڈ لیگویجز کی جانب سے "جشن کشمیر" کے نام سے کلچرل فیسٹول اختتام پذیر ہوا ۔اس حوالے سے بدھ کو ٹیگور ہال سرینگر میں ایک شاندار تقریب کا انعقاد کیا گیا۔ Jashn e Kashmir Festival Concludes

فیسٹول کے اختتامی تقریب کے موقعے پر جموں وکشمیر وقف بورڈ کی چئیرپرسن ڈاکٹر درخشاں اندرابی نے مہمان خصوصی کے طور شرکت کی،جبکہ تقریب میں فن ،ادب اور آرٹ سے وابستہ شخصیات کی کہکشاں کے علاوہ اسکولی بچوں نے بھی شرکت کی۔تقریب کا آغاز کشمیری رؤف سے کیا گیا وہیں بچوں نے فوک نغموں کے علاوہ دیگر رنگا رنگ تمدنی پروگرام بھی پیش کیے۔Dr Darakhshan Andrabi Participated In Jashn e Kashmir Festivalکئی ہفتوں تک جاری رہے اس کلچرل فیسٹول میں 2 ہزار فنکاروں اور تین ہزار سے زائد اسکولی بچوں نے اپنے فن کا مظاہرہ کیا۔ اس دوران کشمیر کے مختلف اضلاع میں پروگرام منعقد کیے گئے۔ Artists Participated in Jashn e Kashmir Festivalاس موقعے پر وقف بورڈ کی چئیرپرسن ڈاکٹر درخشاں اندرابی نے کہا کہ اس طرح کے کلچرل فیسٹول کافی اہمیت کے حامل ہیں کیونکہ ان سے نہ صرف کشمیر کے تہذیب و تمدن اور ثقافت کی آبیاری ہوتی ہے بلکہ یہاں کے ابھرتے ہوئے فنکاروں کو اپنے فن کا مظاہرہ کرنے کا موقع بھی فراہم ہوتا ہے۔

اس موقعے پر ان کلچرل گروپس کی حوصلہ افزائی بھی کی گئی جنہوں نے فیسٹول کے دوران اپنی بہترین کارکردگی کا مظاہرہ کیا ہے۔ اس فیسٹول میں نئے اور سنئیر فنکاروں کو اپنے فن کا مظاہرہ کرنے کا موقع ملا جبکہ یہ فسٹول صوبائی سطح تک ہی محدد نہیں رکھا گا تھا۔

فیسٹول ڈائریکٹر گلزار احمد بٹ کہتے ہیں کہ "جشن کشمیر" کا دوسرا ایڈیشن اب جموں صوبے میں منعقد ہونے جارہا ہے جبکہ اس کا گرینڈ فینالے 23 جنوری کو نئی دلی میں منعقد ہوگا۔تقریباً ایک ماہ تک جاری ریے اس فیسٹول کا آغاز گزشتہ ماہ اکتوبر کی 25 تاریخ کو کیا گیا تھا۔