Dilbag Singh on Shopian Killing کشمیری پنڈت کی ہلاکت میں ملوث عسکریت پسندوں کی شناخت کر لی گئی

شوپیاں میں کشمیری پنڈت کی ہلاکت کے بارے میں دلباغ سنگھ نے کہا کہ 'اس واقعے میں ملوث دو افراد کی شناخت کر لی گئی ہے جب کہ مزید جانچ جاری ہے، قصورواروں کے خلاف سخت کارروائی کی جائے گی۔' dilbag singh on shopian killing

سرینگر: جموں و کشمیر پولیس کے ڈائریکٹر جنرل دلباغ سنگھ نے بدھ کو کہا کہ شوپیاں میں گذشتہ روز ایک کشمیری پنڈت کی ہلاکت میں ملوث دو افراد کی شناخت کر لی گئی ہے اور ان کے خلاف سخت کارروائی کی جائے گی۔ گذشتہ روز پہلگام واقعے میں ہلاک ہونے والے آئی ٹی بی پی کے جوانوں کی تعزیت کی تقریب کے موقع پر نامہ نگاروں سے بات کرتے ہوئے، ڈی جی پی نے کہا کہ "لوگوں نے زمینی سطح پر مثبت تبدیلیوں کی حمایت کی ہے، جو امن دشمن عناصر کو راس نہیں آ رہا ہے۔ امن کو خراب کرنے کی کوشش کر رہے ہیں۔" Kashmiri Pandit Killing

اُن کا کہنا تھا کہ "جس طرح لوگوں نے مثبت اقدام کی حمایت کی۔ پانچ اور 15 اگست کی تقریبات کا پرامن انعقاد قابل تعریف تھا اور لوگوں نے ہر ممکن طریقے سے امراناتھ یاترا کی حمایت کی، جو امن مخالف عناصر کے لیے موزوں نہیں تھی۔ وہ امن میں خلل ڈالنے کی کوشش کرتے ہیں لیکن ان کی کوششیں ناکام ہوتی رہی ہیں اور آئندہ بھی ناکام بنائی جائیں گی۔"

شوپیاں ہلاکت کے بارے میں انہوں نے کہا کہ اس واقعے میں ملوث دو افراد کی شناخت کر لی گئی ہے جب کہ مزید جانچ شروع جاری ہے اور سخت کارروائی کی جائے گی۔ انہوں نے گذشتہ روز پہلگام سڑک حادثہ میں اپنی جانیں گنوانے والے آئی ٹی بی پی جوانوں کو بھی خراج عقیدت پیش کیا اور کہا کہ زخمیوں کے علاج پر خاص توجہ دی جا رہی ہے اور اگر ضرورت پڑی تو زخمیوں کو مزید علاج کے لیے دہلی کے اسپتال لے جایا جائے گا۔