’’افغانستان میں امریکی فوجیوں کے انخلا کے بعد بیرونی عسکریت پسندوں کے کشمیر میں داخل ہونے کے امکانات ہیں لیکن فوج اور جموں و کشمیر پولیس ان کا مضبوطی سے منہ توڑ جواب دینے کے لیے تیار ہیں۔‘‘ جنرل آفیسر کمانڈنگ (جی او سی) 15 چنار کور لیفٹینٹ جنرل ڈی پی پانڈے نے ان باتوں کا اظہار سرینگر کے مضافات رنگریٹ میں ایک فوجی تقریب کے حاشیے پر کیا۔
افغان میں فوجی انخلاء کے بعد عسکریت پسند کشمیر میں داخل ہو سکتے ہیں: فوجی کمانڈر
ان کا کہنا تھا کہ 30 برس قبل بھی افغانستان سے عسکریت پسند کشمیر میں داخل ہوئے تھے لیکن جموں و کشمیر کے لوگوں اور سیکورٹی فورسز نے مضبوطی سے ان کو جواب دیا تھا۔
قابل ذکر ہے کہ رواں برس ستمبر میں افغانستان سے 20 برسوں بعد امریکی فوجیوں کا انخلاء ہونے والا ہے اور کئی مبصرین کا ماننا ہے کہ اس سے کشمیر کے حالات پر بھی اثرات پڑ سکتے ہیں۔