Weather Update Kashmir کشمیر میں ہلکی برفباری کی پیشن گوئی

محکمہ موسمیات کی پیش گوئی کے بیچ سیاحتی مقام گلمرگ سمیت وادی کشمیر کے پہاڑی علاقوں میں دوران شب ہلکی برف باری ہوئی ہے۔ اس پیش میدانی علاقوں میں مطلع ابروآلود رہا ہے جس کی وجہ سے درجہ حرارت میں قدرے بہتر آئی ہے۔Snowfall Prediction in kashmir

سرینگر: محکمہ موسمیات کی پیش گوئی کے بیچ سیاحتی مقام گلمرگ سمیت وادی کشمیر کے پہاڑی علاقوں میں دوران شب ہلکی برف باری ہوئی۔متعلقہ محکمے کے ڈپٹی ڈاریکٹر ڈاکٹر مختار احمد کے مطابق گلمرگ میں دوران شب 0.6 سینٹی میٹر برف جمع ہوئی ہے جبکہ سونہ مرگ اور وادی کے دیگر کئی پہاڑی علاقوں میں بھی ہلکی برف بارہ ہونے کے اطلاعات ہیں۔Snowfall in Kashmir

انہوں نے کہا کہ جموں و کشمیر میں موسم مجموعی طور پر ابروآلود رہے گا اور اس پیچ پہاڑی علاقوں میں ہلکی برف باری جب کہ جموں کے میدانی علاقوں میں بارشیں متوقع ہوگی۔ انہوں نے کہا کہ شمالی کشمیر کے بالائی علاقوں میں برفباری کا امکان ہے جب کہ وسطی کشمیر کے بڈگام میں بھی برفباری متوقع ہے۔

محکمہ ڈپٹی ڈاریکٹر کی پیش گوئی کے مطابق 9 دسمبر کی شام سے 10 دسمبر کی دوپہر تک وادی کے میدانی علاقوں میں ہلکی (ایک سے دو انچ) برف باری جبکہ پہاڑی علاقوں میں درمیانی درجے (دس انچ) کی برف باری متوقع ہے۔دریں اثنا وادی میں مطلع ابرآلود رہنے سے شبانہ درجہ حرارت میں قدرے بہتری واقع ہوئی ہے۔

گرمائی دارلحکومت سرینگر میں کم سے کم درجہ حرارت1.0 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی2.8 ڈگری سینٹی گریڈ ریکارد ہوا تھا۔سرینگر میں پانچ دسمبر کو رواں سیزن کی اب تک سرد ترین رات ریکارڈ ہوئی تھی جب شبانہ درجہ حرارت منفی3.4 ڈگری سینٹی گریڈ ریکارڈ ہوا تھا۔سیاحتی مقام گلمرگ میں کم سے کم درجہ حرارت 3.0 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی2.8 ڈگری سینٹی گریڈ ریکارڈ ہوا تھا۔

وادی کے دوسرے مشہور سیاحتی مقام پہلگام میں کم سے کم درجہ حرارت 0.7 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.6 ڈگری سینٹی گریڈ ریکارڈ ہوا تھا۔پہلگام میں دوران شب 2.0 ملی میٹر بارش بھی ریکارڈ ہوئی ہے۔سرحدی ضلع کپواڑہ میں کم سے کم درجہ حرارت 1.0 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی2.5 ڈگری سینٹی گریڈ ریکارڈ ہوا تھا۔۔۔جاوید احمد ڈار۔۔