معطل ڈی ایس پی دیویندر سنگھ معاملے میں جموں و کشمیر پی ڈی پی یوتھ وِنگ کے صدر وحیدالرحمن پرا کی گرفتاری پر پارٹی صدر محبوبہ مفتی نے کہا کہ وحید کا اُس شخص کے ساتھ کوئی تعلق نہیں ہے اس پر جھوٹا الزام لگایا جارہا ہے۔ یہ سب محض جموں و کشمیر میں پی ڈی پی اور دیگر مین اسٹریم سیاسی جماعتوں کو بلیک میل کرنے اور دھمکانے کی کوشش ہے۔
ایک دیگر ٹویٹ میں محبوبہ مفتی نے کہا کہ بی جے پی دفعہ 370 کو غیر قانونی طور پر منسوخ کر کے ملک کے ہر کونے میں اس کا چرچہ کر رہی ہے تاہم جب بات کشمیریوں پر آتی ہے اور جب وہ اس کے خاتمے پر سوال اٹھاتے ہیں تو انہیں بند کردیا جاتا ہے اور سزا دی جاتی ہے۔ سب جانتے ہیں کہ دیویندر سنگھ نے کس کے کہنے پر کام کیا تھا۔ حیرت کی بات یہ ہے کہ وہ دوسروں کو مورد الزام ٹھہرا رہے ہیں