Meet Barkat Kour Rattan انسان برے ہوسکتے ہیں، مذہب برا نہیں ہوتا

ایڈوکیٹ برکت کور رتن سرینگر میں مقیم ایک نوجوان خاتون ہیں جو وکالت اور تھیٹر کے ذریعے سماج میں اپنی پہچان بنارہی ہیں۔ انکا کہنا ہے کہ کشمیر کے نوجوانوں میں ہنر کی کمی نہیں ہے مگر یہاں کے نوجوانوں کو صحیح پلیٹ فارم فراہم نہیں ہوتا ہے ۔ Meet Barkat Kour Rattan

سرینگر : سرینگر کی رہنے والی 26 سالہ برکت کور رتن ایک وکیل اور سماجی کارکن ہونے کے ساتھ ساتھ ایک اداکارہ بھی ہیں۔ برکت کا ان دنوں کلرز پر ایک سیریل "اسپائی بہو" Spy Bahu نشر ہو رہا ہے۔ ای ٹی وی بھارت کے ساتھ ایک گفتگو کے دوران برکت نے اپنی ذاتی زندگی سے لیکر پیشہ وارانہ زندگی پر بات کی۔ Interview With Kashmir TV Actress Advocate Barkat Kour Rattan

برکت کا ماننا ہے کہ "کوئی مذہب اچھا یا برا نہیں ہوتا، انسان کو چاہیے کہ وہ اچھے برے میں فرق کر سکے۔ انہوں نے کہا کہ آج کے دور میں سماج کو مختلف خانوں میں بانٹنے کی کوشش کی جارہی ہے۔ سوشل میڈیا میں ان دنوں ایسے ویڈیوز شئیر کیے جاتے ہیں جن سے انسانوں کے درمیان دوریاں اور فاصلے بڑھانے کی کوشش ہوتی ہے۔ انہوں نے کہا کہ ہر فرد کی ذمہ داری ہے کہ وہ اپنی سطح پر چیزوں کو جانچے پرکھے اور اسکے بعد کسی ویڈیو یا بات کو عوامی سطح پر مشتہرکرنے کی کوشش کرے۔

برکت نے بتایا کہ ان کی ایک اور بہن بھی ایک جانی مانی اداکارہ ہیں۔ انہوں نے کہا کہ انہیں خوابوں کو پورا کرنے کے لیے ان کے گھر والوں نے ان کو کو کافی زیادہ سپورٹ کیا اور وہ آج جو بھی ہیں اس میں انکے افراد خانہ کا اہم رول ہے۔

انہوں نے کہا کہ کوئی بھی پیشہ برا نہیں ہوتا،بس اس میں آپ کو اپنے اخلاق اور کردار کو برقرار رکھنے کی ضرورت ہے، تاکہ اس پیشے میں کامیابی حاصل ہوسکے "

اُن کا مزید کہنا تھا کہ "وہ اپنی آنجہانی بہن روشنی کے نام پر ایک پروڈکشن ہاؤس اس لیے شروع کیا تاکہ یہاں کے نوجوانوں کو ایک پلیٹ فارم فراہم کیا جا سکے جس پر وہ اپنے خوابوں کو شرمندہ تعبیر کر سکیں۔