جموں و کشمیر کے ضلع گاندربل میں محکمہ خوراک اور امورصارفین و عوامی نظامِ تقسیم کی جانب سے ضلعگاندربل کے متعدد مقامات پر مارکیٹ کی چیکنگ کی گئی اور دکانداروں سے ہزاروں روپے بطور جرمانہ وصولے گئے۔
گاندربل میں تحصیلدار گاندربل اور امور صارفین و تقسیم کاری کے اسسٹنٹ ڈائریکٹر نے دو دہرہامہ سے لےکر بی ہامہ تک کے سبھی مارکیٹ کی چیکنگ کی، جس میں تحصیلدار گاندربل مشتاق احمد اور امور صارفین کے اسسٹنٹ ڈائریکٹر نصیر احمد و دیگر عملے بھی ان کے ہمراہ رہے۔
گذشتہ دنوں امور صارفین کو یہ اطلاع ملی تھی کہ بازار میں منافع خوری اور اونچے داموں میں اشیائے خوردنی فروخت کی جارہی ہے جس کے بعد تحصیلدار گاندربل اور اسسٹنٹ ڈائریکٹر نے چھاپہ ماری کر دکانداروں سے جرمانہ وصول کیا۔