منجیت سنگھ اور وکرم ملہوترا مستعفی

جموں و کشمیر کانگریس کو اس وقت بڑا دھچکا لگا جب جموں و کشمیر سے سابق وزیر تعلیم منجیت سنگھ اور سرکردہ رہنما وکرم ملہوترا نے کانگریس پارٹی سے استعفی دے دیا ہے۔

بتایا جا رہا ہے کہ دونوں رہنما جموں و کشمیر میں الطاف بخاری کی پارٹی میں شامل ہو سکتے ہیں۔

منجیت سنگھ سمبا ضلع کے وجے پور اسمبلی حلقہ سے رکن اسمبلی ہیں، اس سے پہلے وہ جموں و کشمیر میں سابق پی ڈی پی اور کانگریس حکومت میں وزیر رہ چکے ہیں تو وہیں وکرم ملہوترا جموں ضلع کے کانگریس کے صدر عہدے پر فائض تھے۔