سرینگر: جموں و کشمیر میں آئندہ ہونے والے اسلمبی انتخابات میں غیر مقامی افراد بھی ووٹنگ کا حق دینے پر یہاں کی مین اسٹریم جماعتیں کافی برہم نظر آرہی ہیں۔ ایسے میں جمعہ کے روز عوامی نیشل کانفرنس نے چیف الیکٹورل افسر کے اعلان پر سخت ردعمل ظاہر کرتے ہوئے کہا کہ دفعہ 370 کی منسوخی کے بعد بی جے پی کی جموں و کشمیر پالیسی ناکام ہوگئی۔ ایسے میں بی جے پی بوکھلاہٹ کا شکار ہوکر غیر مقامی لوگوں کو آنے والے اسمبلی انتخابات میں ووٹ ڈالنے کا حق دے کر الیکشن کمیشن کا غلط استعمال کر رہی ہے۔ Muzaffar Shah On Voting Rights to Non Locals
انہوں نے کہا کہ جموں و کشمیر میں تقریباً ایک کروڑ ووٹرز ہیں جو کہ یہاں کے پشتینی باشندے ہیں اور ووٹنگ کا حق رکھتے ہیں۔ تاہم ان میں سے صرف 76 لاکھ ووٹر ہی رجسٹر ہیں۔ ایسے میں باقی 24 لاکھ ووٹروں کو باہر سے لاکر اپنے حق میں ووٹ ڈالنے کا اہل بنا جارہا جو کہ بی جے پی کی منشا کو صاف ظاہر کر رہا ہے۔
انہوں نے سوالیہ انداز میں کہا کہ لاکھوں کی تعداد میں کشمیری باہر کی ریاستوں میں رہ رہے ہیں۔ ان کی وہاں پر اپنی جائیداد بھی ہیں، اس کے باوجود بھی وہ کہیں پر بھی بحثیت ووٹر رجسٹرڈ نہیں ہیں۔ Political Parties Reactions on EC Recent Statement
پریس کانفرس کے دوران عوامی نیشنل کانفرنس کے سینیئر نائب صدر شاہ نے کہا کہ یہاں یہ بھی انتشار پھیلایا جارہا ہے کہ سکیورٹی فورسز کے اہلکار بھی اسلمبی انتخابات ووٹ ڈال سکتے ہی جو کہ نہیں ہوسکتا ہے کیونکہ الگ الگ ریاستوں کے لیے ووٹ ڈالنے کا علیٰحدہ طریقہ کار ہے۔ ایسے میں فورسز کے اہلکار بحثیت ووٹر جموں و کشمیر میں درج نہیں کیے جا سکتے ہیں۔