سرینگر:جموں و کشمیر کے لیفٹیننٹ گورنر منوج سنہا نے جمعرات کو سرحدی ضلع راجوری میں فوج پر حملے کی سخت الفاظ میں مذمت کی اس حملہ میں کم از کم تین فوجی اہلکار ہلاک اور دو دیگر زخمی ہوئے ہیں۔ حملہ میں دو عسکریت پسند، جن کے بارے میں فوج کا دعویٰ ہے کہ وہ فدائین (خودکش حملہ آور) تھے، رات کے وقت ہونے والی فائرنگ کے تبادلے میں مارے گئے۔Rajouri Fidayeen Attack
منوج سنہا نے ٹویٹ کرتے ہوئے کہا کہ 'راجوری میں عسکری حملہ کی شدید مذمت، عظیم قربانی دینے والے بہادر سپاہیوں کو خراج تحسین، حملے میں شہید ہونے والے بہادروں کے اہلخانہ سے دلی تعزیت۔ ہم عسکریت پسندوں اور ان کے پشت پناہوں کے عزائم سے مناسب طریقے سے نمٹیں گے۔‘‘