لیفٹیننٹ گورنر نے چھٹی ٹکنالوجی نمائش کا افتتاح کیا

منوج سنہا نے کہا کہ ایسی نمائشیں کاشتکاروں کو قابل اعتماد اور متعلقہ معلومات تک رسائی کے لئے ایک غیر معمولی موقع کی پیش کش میں اہم کردار ادا کرتی ہیں۔

لیفٹیننٹ گورنر منوج سنہا جو شیر کشمیر زرعی یونیورسٹی کشمیر کے چانسلر بھی ہیں انہوں نے اتوار کے روز شالیمار میں کاشتکاری میں بہتری لانے کے موضوع پر دو روزہ طویل 6ویں ٹیکنالوجی نمائش و بیج سیل میلہ کا افتتاح کیا۔

لیفٹیننٹ گورنر نے تقریبان 200 اسٹال کا معائنہ کیا جس میں زراعت، باغبانی، ماہی گیری، جنگلات، ایگری انجینئرنگ اور دیگر متعلقہ شعبوں میں تیار کردہ متعدد مصنوعات اور ٹکنالوجی کی چیزیں شامل ہیں۔

انہوں نے اس موقع پر کاشتکاروں کی فلاح و بہبود کی اسکیموں اور پروگراموں کو اجاگر کرنے والے اسٹالوں کا بھی جائزہ لیا۔

لیفٹیننٹ گورنر نے کہا کہ ایسی نمائشیں کاشتکاروں کو قابل اعتماد اور متعلقہ معلومات تک رسائی کے لئے ایک غیر معمولی موقع کی پیش کش میں اہم کردار ادا کرتی ہیں۔

اس موقع پر لیفٹیننٹ گورنر نے یونیورسٹی کے کیمپس میں ٹولپ شجر کاری میں بھی حصہ لیا۔