Lingayas University Announces Scholarships: کشمیری طلباء کے لئے لِنگایاس یونیورسٹی کا اسکالرشپ کا اعلان

لِنگایاس یونیورسٹی انتظامیہ نے سرینگر میں ایک تقریب منعقد کی، اس دوران انہوں نے کشمیری طلباء کے لئے لِنگایاس یونیورسٹی کا اسکالرشپ کا اعلان کیا ہے۔ وہیں اس اسکالرسپ کو پانے کے لیے طلباء کو ٹیسٹ دینا ضروری قرار دیا گیا۔ Lingayas University Announces Scholarships

سرینگر: لنگایاس ودیہ پیٹھ یونیورسٹی جو ریاست ہریانہ کے شہر فرید آباد میں واقع ہے، انتظامیہ نے سرینگر میں کشمیری طلباء کے لئے مفت داخلہ دینے کا اعلان کیا ہے۔ انتظامیہ نے سرینگر میں ایک تقریب منعقد کی، اس دوران انہوں نے کشمیری طلباء کے لئے لنگایاس یونیورسٹی کا اسکالرشپ کا اعلان کیا ہے۔ وہیں اس اسکالرسپ کو پانے کے لیے طلباء کو ٹیسٹ دینا ضروری قرار دیا گیا۔ Lingayas University Announces Scholarships ان کا کہنا ہے کہ جو طلباء یہ امتحان پاس کریں گے ان کے لیے یونیورسٹی میں اپنی تعلیم کی تکمیل تک مفت داخلہ دیا جائے گا۔

یونیورسٹی کے چانسلر پچیسور گاڈے نے اس پروگرام کے متعلق جانکاری دیتے ہوئے کہا کہ یونیورسٹی نے چار کروڑ روپیے کی اسکالرشپ پروگرام کا آغاز کیا ہے، جس میں کشمیری طلباء کے لیے ڈیڑھ کروڑ اسکالرشپ شامل ہے۔ ان کا کہنا ہے کہ طلباء کو امتحان پاس کرکے اس اسکالر شپ کا فائدہ ملے گا اور یونیورسٹی میں مفت تعلیم فراہم کی جائے گی۔