لیفٹیننٹ گورنر منوج سنہا نے آج ڈل جھیل کے کنارے واقع تاریخی مقدس مقام حضرت بل درگاہ کی زیارت کی اور وہاں آنے والے عقیدت مندوں کو فراہم کی جانی والی سہولیات کا جائزہ لیا۔
لیفٹیننٹ گورنر نے درگاہ پر حاضری دی اور جموں و کشمیر میں امن، ترقی اور عوام کی خوشحالی کے لئے دعا کی۔
انہوں نے وہاں موجود مزہبی رہنماؤں کے ساتھ بات چیت کی اور انہیں تلقین کی کہ عوام کو کورونا انفیکشن سے بچانے کے لئے احتیاطی تدابیر پر عمل کرنے کی ہدایت کی جائے۔
بعدازاں لیفٹیننٹ گورنر نے عقیدت مندوں کو فراہم کی جانے والی سہولیات کا جائزہ لیا۔
انہوں نے پی آر اے ایس اے ڈی (پرساد) کے تحت جاری ترقیاتی کاموں کی پیشرفت کا جائزہ لیتے ہوئے متعلقہ افسران کو کاموں میں تیزی لانے کی ہدایت کی۔
انہوں نے افسران پر زور دیا کہ وہ آنے والے عقیدت مندوں کے لئے بہترین سہولیات کو یقینی بنائیں۔
لیفٹننٹ گورنر کے ہمراہ بصیر احمد خان - لیفٹیننٹ گورنر کے مشیر، پنڈورنگ کے پولے - ڈویژنل کمشنر کشمیر، وجئے کمار - آئی جی پی کشمیر، ڈاکٹر شاہد اقبال چودھری - ڈپٹی کمشنر سری نگر، ڈاکٹر محمد حسیب مغل - ایس ایس پی سری نگر اور دیگر اعلی افسران موجود تھے۔