سرینگر: جموں و کشمیر کی گرمائی دارلحکومت سرینگر میں جمعرات کو سید قمر الدین بخاری رحمۃ اللہ علیہ کے عرس کے موقع پر شہر کے زیرو برجِ سے گاندربل تک شکار ریلی کا انعقاد کیا گیا۔ اس ریلی کو جموں و کشمیر کے لیفٹنینٹ گورنر منوج سنہا نے جھنڈی دیکھا کر روانہ کیا۔ LG Flags off Shikara Boats
اگرچہ ایونٹ کے دوران منوج سنہا نے صحافیوں سے بات نہیں کی، تاہم بعد میں ٹویٹر پر اپنا بیان جاری کرتے ہوئے کہا کہ 'سید قمر الدین بخاری رحمۃ اللہ علیہ کے عرس کی یاد میں زیرو برج سے گاندربل تک عقیدت مندوں، فنکاروں کو لے کر کشتیوں اور شکاریوں کا پرچم بردار بیڑا ہے۔' اُن کا کہنا تھا کہ 'یہ سرینگر سے گاندربل تک آبی نقل و حمل کی بحالی کا بھی نشان ہے۔'
وہیں اس موقع پر صحافیوں سے بات کرتے ہوئے ڈائریکٹر ٹورازم جی این اتو نے کہا کہ تقریباً 33 برس کے بعد آبائی ٹرانسپورٹ کے ذریعے گاندربل میں عرس میں شرکت کرنے کے لیے شکارا ریلی کا انعقاد کیا گیا۔ مجھے اُمید ہے ٹورازم کو اس سے فروغ ملے گا۔' وہیں وقف بورڈ کی چیئرپرسن درخشاں اندرابی کا کہنا ہے کہ 'اس سے خطے میں مذہبی ٹورازم کو فروغ ملے گا۔ یہ خوش آئند کدم ہے اور اگر لوگ اس پر مستقل رہیں گے تو جو جنت کا نظارہ ہماری آنکھوں میں تھا وہ حقیقت میں ہوگا۔'