پالم پور میں بڑی تعداد میں کشمیری مزدور رہتے ہیں۔ آج ہماچل پردیش کی حکومت نے جموں و کشمیر حکومت سے بات کر کے کشمیری مزدوروں کو ان کے گھروں کے لیے پالم پور سے 14 بسوں میں انہیں روانہ کیا۔ ان سبھی مزدوروں کا ٹیسٹ کرایا گیا ہے۔ مزدوروں کو راستے میں کھانے کے لیے خوردنی اشیا بھی دی گئی، تاکہ انہیں کسی بھی طرح کی کوئی دقت نہ ہو۔
جموں و کشمیر کے مزدوروں نے کہا کہ جب لاک ڈاؤن کا اعلان ہوا تب سے ریاستی حکومت کی جانب سے مقامی انتظامیہ نے ان کے کھانے پینے اور دوائیوں کا مناسب انتظام کیا، جس سے انہیں کوئی تکلیف نہیں ہوئی۔ مزدوروں نے بتایا کہ آج انہیں ان کے گھر بھیجا رہا ہے اس سے انہیں بہت خوشی ہو رہی ہے۔ مزدوروں نے حکومت کا شکریہ ادا کیا۔
پالم پور کے ایس ڈی ایم دھرمیش راموترا نے بتایا کہ مزدور یہاں کافی عرصے سے رہ رہے تھے۔ رمضان اور لاک ڈاؤن کی وجہ سے وہ یہاں سے جانا چاہتے تھے۔ اس کے بعد انتظامہ نے انہیں گھر بھیجنے کا انتظام کیا۔ ان تمام مزدوروں کی جانچ کی گئی ہے اور ان میں کورونا کے کوئی بھی علامات نہیں ہیں۔
