Literary Festival in Kashmir: سرینگر میں ’کماوؤں لیٹریری فیسٹیول‘ کا انعقاد

ایس کے آئی سی سی میں لیٹریری فیسٹیول منعقد کرنے والے منتظمین کا کہنا ہے کہ وہ اس طرح کی فیسٹیول کے ذریعے کشمیر کی اچھی تصویر دنیا کے سامنے رکھنا چاہتے ہیں۔ Literary Festival in Srinagar

سرینگر:وادی کشمیر کے خوبصورت اور معروف ڈل جھیل کے کنارے ’’کماوؤں لیٹریری فیسٹول‘‘ منعقد کیا گیا جس میں بیرون ریاستوں سے تعلق رکھنے والے مختلف مصنفین، فن کاروں نے حصہ لیا۔ فیسٹول سرینگر کے ’’شیر کشمیر کنوکیشن سنٹر‘‘ میں تین روز تک جاری رہے گا جس دوران مصنفین، شعراء و دیگر فن کار موضوع کی نسبت سے گفتگو کریں گے اور مقالے پڑھیں گے۔ Kumaon Literary Festival at SKICC Srinagar

فیسٹیول کو انعقاد کرنے والے ارہان بگھاتی نے فیسٹیول کو کشمیر کے دارالحکومت سرینگر میں منعقد کرنے کے مقصد کے حوالہ سے اپنے تاثرات بیان کرتے ہوئے کہا کہ اس سے وہ ’’کشمیر کی اچھی تصویر دنیا کے سامنے رکھنا چاہتے ہیں۔‘‘ انہوں نے مزید کہا کہ اس طرح کے فیسٹیول سے کشمیر کے ثقافتی اور ادبی ورثہ سے پوری دنیا واقف ہوتی ہے۔ Kumaon Literary Festival in Srinagar

نوے کی دہائی سے دہلی میں مقیم کشمیری پنڈت سدھارتھ گگو، جو ایک مصنف بھی ہے، نے ای ٹی وی بھارت کے ساتھ بات کرتے ہوئے کہا کہ اس طرح کے فن پر مبنی پروگرام کشمیر میں ضرور منعقد ہونے چاہیے کیونکہ اس سے مقامی نو عمر مصنفین کی حوصلہ افزائی ہوتی ہے۔

آننت وجے نامی ایک مصنف نے ای ٹی وی بھارت کو بتایا کہ ’’گزشتہ کچھ دہائیوں سے کشمیر کی ایک مختلف تصویر دنیا کے سامنے بیاں کی جا رہی ہے اور اب اس قسم کے فیسٹول سے ایک سنہری تصویر دنیا کے سامنے پیش کی جا رہی ہے جس کی سراہنا کی جانی چاہئے۔