گلمرگ، کھیلو انڈیا ونٹر گیمز 2023 کے آج دوسرے روز خراب موسم کے باوجود کئی مقابلے کھیلے گئے، جن میں آئس ہاکی، بندی، اسکینگ سلیم ،کراس کنٹری رن اور دیگر مقابلے منعقد کیے گئے۔ اس موقع پرجہاں ایک طرف کھلاڑیوں میں جوش و خروش نظر آرہا تھا تو وہیں دوسری جانب انتظامیہ بھی مقابلوں کے انعقاد کے لیے پوری تیار تھی۔ اس موقع پر ای ٹی وی بھارت سے بات کرتے ہوئے کھلاڑیوں کا کہنا تھا کہ "ہم گزشتہ ایک مہینے سے مشقت کر رہے ہیں اور ہم كو بہترین نتائج کی اُمید ہے۔"
وادی بالخصوص گلمرگ میں خراب موسم کے حوالے سے بات کرتے ہوئے اُن کا کہنا تھا کہ "ہم اپنی ڈھلانوں کو اچھی طرح سے جانتے ہیں، اس لیے ہمیں زیادہ مشکلوں کا سامنا نہیں کرنا پڑے گا۔ انہوں نے مزید کہا جو کھلاڑی یہاں بیرون ریاستوں سے یہاں آئے ہیں اُنہیں مشکلات کا سامنا کرنا پڑسکتا ہے- انہوں نے کہا کہ ہم امید کر رہے ہیں کہ موسم جلد ازجلد ساز گار ہوجائے۔ اس موقع پر کھلیو انڈیا ونٹر گیمز کے آرگنائزر کا کہنا تھا کہ موسم کی خرابی کے باعث مقابلوں کے انعقاد میں تاخیر ضرور ہو رہی ہے تاہم ہماری یہ کوشش ہے سارے مقابلے منعقد ہوں۔ ان کا کہنا تھا کہ ہم نہیں چاہتے کی کوئی کھلاڑی مایوس ہو،واضح ر ہے کہ آج یعنی کھیلو انڈیا ونٹر گیمز کے دورسرے دن ناساز گار موسم کے بعد دوپہر سے قبل وقت موسم میں تھوڑی بہت بہتری کے بعد سارے مقابلے منعقد کئے گئے۔
مزید پڑھیں:Khelo India Games گلمرگ میں کھیلو انڈیا ونٹر گیمز کے تحت کھلاڑیوں میں جوش و خروش