کشمیر یونیورسٹی کو بہترین یونیورسٹیز میں 19واں مقام
آؤٹ لک میگزین کی جانب سے جاری کی گئی رینکنگ کے مطابق کشمیر یونیورسٹی کو ہزار میں سے 631.74 پوائنٹس حاصل ہوئے ہیں۔
جموں وکشمیر کی گرمائی دارالحکومت سرینگر میں واقع کشمیر یونیورسٹی کو بھارت کی بہترین 70 سرکاری یونیورسٹیوں میں 19واں پائیدان حاصل ہوا ہے۔ یہ سالانہ رینکنگ آؤٹ لک میگزین کی جانب سے سال 2020 کے لیے جاری کی گئی ہے۔
آؤٹ لک میگزین کی جانب سے جاری کی گئی رینکنگ کے مطابق کشمیر یونیورسٹی کو ہزار میں سے 631.74 پوائنٹس حاصل ہوئے ہیں۔
میگزین کا دعویٰ ہے کہ رینکنگ کی فہرست تیار کرتے وقت یونیورسٹی کی اکیڈمی، ریسرچ اور پلیس مینٹ جیسے زاویوں کو مد نظر رکھا گیا ہے۔
تفصیلات بیان کرتے ہوئے میگزین نے دعویٰ کیا ہے کہ "کشمیر یونیورسٹی کو اکیڈمکس اور ریسرچ کے لیے 272۰63 پوائنٹ حاصل ہوئے ہیں جبکہ انڈسٹری انٹرفیس اور پلیس مینٹ کے لیے 129۰88 پوائنٹ حاصل ہوئے ہیں۔ یونیورسٹی کو 77۰06 پوائنٹس بنیادی سہولتیں اور دیگر طلباء کے لیے مہیا رکھی گئی سہولیات کو مدنظر رکھ کر دئے گئے ہیں۔ ایڈمیشن اور انتظامیہ کے تعلق سے یونیورسٹی کو 97۰92 پوائنٹس حاصل ہوئے ہیں۔"
اس سے قبل کشمیر یونیورسٹی نے نیشنل انٹرنیشنل رینکنگ فریم ورک 2020 میں 46۰99 پوائنٹس حاصل کر کے 48واں پائیدان حاصل کیا تھا۔