KU Data Breach: طلبہ کا ڈیٹا غیر ترمیم شدہ، مزید جائزہ لیا جارہا ہے، کشمیر یونیورسٹی

کشمیر یونیورسٹی نے مبینہ ڈیٹا لیک ہونے کی تحقیقات شروع کر دی ہیں۔ یونیورسٹی نے واضح کیا کہ ابتدائی تحقیقات کے مطابق ڈیٹا غیر ترمیم شدہ ہے اور مبینہ خلاف ورزی کا گہرائی سے جائزہ لیا جا رہا ہے۔Kashmir University Launches Probe in Data Leak

سرینگر:اطلاعات کے مطابق کشمیر یونیورسٹی کے 10 لاکھ سے زیادہ طلبہ کا ذاتی ڈیٹا "ڈارک ویب" پر دیکھا گیا تھا۔ کشمیر یونیورسٹی نے مبینہ ڈیٹا لیک ہونے کی تحقیقات شروع کر دی ہیں۔ یونیورسٹی نے واضح کیا کہ ابتدائی تحقیقات کے مطابق ڈیٹا غیر ترمیم شدہ ہے اور مبینہ خلاف ورزی کا گہرائی سے جائزہ لیا جا رہا ہے۔Kashmir University Launches Probe in Data Leak

ایک رپورٹ میں کہا گیا ہے کہ کشمیر یونیورسٹی کے طلبہ کا مبینہ ڈیٹا بیس ہیکنگ فورم پر صرف 250 ڈالر میں "ویکٹر لسٹگ"“ViktorLustig” نے فروخت کیا ہے۔ موجود ڈیٹا کو ظاہر کرنے کے لیے ایک ڈیٹا بیس انڈیکس شیئر کیا گیا ہے۔ اس میں طلبا کی معلومات، رجسٹریشن نمبر، فون نمبر، ای میل ایڈریس، پاس ورڈ، ملازمین کا ڈیٹا اور بہت کچھ شامل کرنے کا دعوی کیا گیا ہے۔

وہیں رپورٹ کے مطابق "ڈیٹا بیس بریچڈ فورمز پر درج ہے۔ مشہور ہیکنگ فورم نے اس سے پہلے ایک بلین چینی باشندوں کے ڈیٹا کی چوری کے ساتھ بین الاقوامی توجہ حاصل کی تھی۔

ادھر کشمیر یونیورسٹی نے ایک بیان میں کہا کہ یونیورسٹی کے اعداد و شمار میں ترمیم نہیں کی گئی اور مبینہ خلاف ورزی کا گہرائی سے جائزہ لیا جا رہا ہے اور ابتدائی تجزیہ کے مطابق یہ پتہ چلا ہے کہ ڈیٹا غیر ترمیم شدہ ہے اور تجزیہ پر منحصر ہے اس کے بعد یونیورسٹی مزید کارروائی کرکے قانونی راستہ اختیار کرے گی۔