National Panchayat Awards جموں وکشمیر نے مختلف زمروں میں تین قومی پنچایت ایوارڈ حاصل کئے ہیں، منوج سنہا

جموں وکشمیر کے لیفٹیننٹ گورنر منوج سنہا نے مختلف زمروں میں تین قومی پنچایت ایوارڈ حاصل کرنے پر پنچایتوں کو مبارک باد پیش کی ہے۔

سرینگر:جموں وکشمیر کے لیفٹیننٹ گورنر منوج سنہا نے مختلف زمروں میں تین قومی پنچایت ایوارڈ حاصل کرنے پر پنچایتوں کو مبارک باد پیش کی ہے۔انہوں نے کہا کہ جموں وکشمیر نے مختلف زمروں میں تین قومی پنچایت ایوارڈ حاصل کئے ہیں۔
موصوف لیفٹیننٹ گورنر نے ہفتے کو اپنے ایک ٹویٹ میں کہا 'جموں وکشمیر یونین ٹریٹری نے مختلف زمروں میں تین قومی پنچایت ایوارڈ حاصل کئے ہیں'۔انہوں نے ٹویٹ میں کہا 'تمام ایوارڈ جیتنے والے پنچایتوں، منتخب نمائندوں اور گرام پنچایت- سیرا اے (ادھمپور)،پھل مرگ (کپواڑہ) اور فتح پور (بارہمولہ) کے عہدیداروں کو مبارک باد، یہ اچھا کام جاری رکھیں'۔

جموں وکشمیر نے مختلف زمروں میں تین قومی پنچایت ایوارڈ حاصل کئے ہیں، منوج سنہا

واضح رہے کہ ملک بھر میں بہترین کارکردگی کا مظاہرہ کرنے والی پنچایتوں کو تسلیم کرنے اور ان کی حوصلہ افزائی کی غرض سے پنچایتی راج کی وزارت کی طرف سے ہر سال مختلف زمروں کے تحت، قومی پنچایت ایوارڈز دیئے جاتے ہیں۔ قومی پنایت ایوارڈ 2023 کے لیے آن لائن فارم پڑ کرنے کی تاریخ 15 نومبر2022 تک تھی۔ بعد میں اسے 20 نومبر تک بڑھایا گیا۔بتادیں کہ ملک بھر کی کل 2 لاکھ 68 ہزار 711 گرام پنچایتوں میں سے (2 لاکھ 45 ہزار 426 گرام پنچایتیں) رہی ہے۔

پنچایتوں کے درمیان پائیدار ترقی کے اہداف کے بارے میں بیداری پیدا کرنے اور ان اہداف کو مقامی بنانے اور حاصل کرنے کی رفتار طے کرنے کے لیے، نو تیار شدہ قومی پنچایت ایوارڈز ایک اہم کردار ادا کرتے ہیں۔ سال 2023 میں یہ ایوارڈز 9 پائیدارترقیاتی اہداف کی لوکلائزیشن (ایل ایس ڈی جیز) کے موضوع کے تحت دیئے جائیں گے جن میں 17 ایس ڈی جیز شامل ہیں۔