سرینگر میں پارٹی کے صدر دفتر پر پریس کانفرنس کے دوران جموں و کشمیر اپنی پارٹی کے صدر سید الطاف بخاری نے کہا کہ ’’عسکریت پسندی کی وجہ سے وادیٔ کشمیر میں کشمیری ہی مارا جارہا ہے چاہے وہ پولیس اہلکار، عام شہری ہو یا عسکریت پسند۔‘‘ Altaf Bukhari on Harbouring Militants۔ الطاف بخاری نے کہا کہ ’’لوگ عسکریت پسندوں کو پناہ دینے سے پرہیز کریں کیونکہ اس سے لوگوں کا مالی نقصان ہورہا ہے اور جانی نقصان بھی۔‘‘
انہوں نے یہ بات اس سوال کے جواب میں کہی کہ کیا وہ پولیس کی جانب سے ان مکانات کو ضبط کرنے کی تائید کرتے ہیں جن میں عسکریت پسند پناہ لیتے ہیں۔؟ Kashmir Militancy۔ یاد رہے کہ جموں و کشمیر پولیس گزشتہ مہینوں سے ان مکانات کو ضبط کر رہی ہے جہاں عسکریت پسندوں کے ساتھ تصادم آرائیاں پیش آرہی ہیں جب کہ مالک مکان پر بھی مقدمے درج کیے جا رہے ہیں۔ Altaf Bukhari on Stone Pelting۔ انہوں نے کہا کہ وادیٔ کشمیر میں پتھر بازی تقریباً ختم ہوگئی ہے اور اس کی وجہ ہے کہ نوجوانوں نے پتھر بازی سے کنارہ کشی اختیار کر لی ہے تاہم پولیس اس کا سہرا اپنے سر باندھ رہی ہے۔
انہوں نے مزید کہا کہ ’’اگر پولیس دعویٰ کر رہی ہے کہ انہوں نے حالات کو قابو میں رکھا ہے تو نوجوانوں کی طرف سے پتھر بازی ترک کرنے پر نوجوانوں کی سراہنا کیوں نہیں کی جارہی ہے۔ ‘‘ Altaf Bukhari on Slapping PSA on Kashmiri Youth۔ سابق وزیر نے مزید کہا کہ جس طرح سے پولیس نوجوانوں کو پبلک سیفٹی ایکٹ اور دیگر سخت قوانین کے تحت جیلوں میں قید کر رہی ہے اس سے نوجوانوں کی دوری سسٹم سے مزید بڑھ جائے گی۔
