ای ڈی کی تفتیش: فاروق عبداللہ راج باغ پہنچ گئے

جموں و کشمیر کے سابق وزیر اعلی فاروق عبد اللہ ای ڈی کی تفتیش کے لیے راج باغ پہنچ گئے۔

انفورسمنٹ ڈائریکٹوریٹ نے فاروق عبد اللہ کو راج باغ دفتر میں تفتیش کے لیے طلب کیا۔

جے اینڈ کے کرکٹ ایسوسی ایشن کے چیئرمین ہونے کے دوران 43 کروڑ روپے کے مبینہ غلط استعمال پر ایجنسی کی جانب سے انہیں طلب کیا گیا ہے۔

بتا دیں کہ ای ڈی نے دوسری بار فاروق عبدللہ کو طلب کیا جس پر پارٹی نے برہمی کا اظہار کیا۔

علاوہ ازیں سابق وزیر اعلیٰ عمر عبداللہ نے بھی ای ڈی کی کارروائی پر ناراضگی کا اظہار کیا ہے۔