تقریباً پانچ ماہ بعد جموں و کشمیر میں سو سے کم کووڈ کیسز درج

جموں و کشمیر خطہ میں اب 1513 سرگرم کیسز ہیں۔ فعال کیسز میں کمی سے انتظامیہ نے راحت کی سانس لی ہے۔

جموں و کشمیر میں گزشتہ 24 گھنٹوں کے دوران تقریباً پانچ ماہ بعد ایک سو سے کم کورونا کیسز درج کئے گئے۔ کشمیر میں 64 اور جموں میں 20 کیسز درج ہوئے جس کے ساتھ ہی خطہ میں کیسز کی کل تعداد 320340 ہو گئی ہے۔

جموں و کشمیر میں گزشتہ 24 گھنٹوں کے دوران 172 افراد صحتیاب ہوئے ہیں جس کے بعد شفایاب افراد کی کل تعداد 314454 تک پہنچ گئی۔

گزشچہ روز سرینگر میں کورونا سے ایک شخص انتقال کر گیا۔ ہلاکتوں کی کل تعداد 4373 ہو گئی ہیں۔ ان میں جموں میں 2138 اور کشمیر میں 2235 شامل ہے۔

جموں و کشمیر خطہ میں اب 1513 سرگرم کیسز ہیں۔ فعال کیسز میں کمی سے انتظامیہ نے راحت کی سانس لی ہے۔

واضح رہے کہ جموں و کشمیر میں کورونا کی دوسری لہر کی وجہ سے فعال معاملوں میں زبردست اضافہ دیکھنے کو ملا۔ جہاں فروری میں فعال معاملوں کی کل تعداد 600 سے کم ہوگئی تھی لیکن مئی - جون میں یہ تعداد پچاس ہزار سے زیادہ ہوگئی۔