نیشنل کانفرنس کے نائب صدر اور سابق وزیر اعلیٰ عمر عبداللہ نے ملک میں کورونا کیسز میں ہورہے بے تحاشا اضافے پر تشویش کا اظہار کیا ہے۔
انہوں نے سوالیہ انداز میں کہا ہے کہ کیا مرکزی حکومت کے پاس اس سے نمٹنے کے لئے کوئی پالیسی ہے یا ریاستوں کو اب اپنے اپنے طور اس مسئلے سے نمٹنا ہے۔
موصوف نے ان باتوں کا اظہار جمعے کے روز اپنے ایک ٹویٹ میں کیا۔
ان کا ٹویٹ میں کہنا تھا: ’دو مارچ کو 12,286 ملک میں کورونا کیسز درج ہوئے تھے اور ایک ماہ کے بعد آج یعنی 2 اپریل کو 81,466 کیسز درج ہوئے۔ کیا مرکزی حکومت کے پاس کورونا کیسز میں ہو رہے بے تحاشا اضافے سے نمٹنے کے لئے کوئی حکمت عملی ہے یا ریاستوں کو اب اپنے طور اس مسئلے سے نمٹنا ہے‘۔
قابل ذکر ہے کہ جموں و کشمیر میں بھی کورونا کیسز میں ایک بار پھر اضافہ درج ہو رہا ہے۔
یو این آئی