کشمیر کی چیری کا سواد، دبئی بھی رکھے گا یاد

جموں و کشمیر چیری کی پیدوار کے معاملے میں ملک کا سب اہم خطہ ہے۔ ملک میں چیری کی پیداوار کا 95 فیصد حصہ جموں و کشمیر میں ہوتا ہے اور اب یہی چیری پہلی بار دبئی بھیجی گئی۔ اس طرح کی اطلاع ریلوے وزیر پیوش گوئل نے ٹویٹر کے ذریعے دی۔

ملک کے کئی پھل اب بیرون ملک برآمد کیے جارہے ہیں۔ حال ہی میں مہاراشٹر سے کیلے اور ڈریگن فروٹ کے بعد اب جموں و کشمیر سے چیری کی پہلی کھیپ سری نگر سے دبئی بھیجی گئی ہے۔ وزیر ریلوے پیوش گوئل نے ٹویٹ کرکے یہ معلومات دی ہیں۔

جموں و کشمیر کی چیری اگریکلچرل اینڈ پروسیسڈ فوڈ پروڈکٹس ایکسپورٹ ڈیولپمنٹ اتھارٹی کے ذریعے برآمد کیا جارہا ہے۔ اس کے لیے محکمہ زراعت نے گو ایئر لائنز کے ساتھ ایک معاہدے پر دستخط کیے ہیں۔

واضح رہے کہ جموں و کشمیر ملک میں چیری کی پیداوار کرنے والا بڑا خطہ ہے یہاں ملک کی 95 فیصد چیری کی پیداوار ہوتی ہے۔

پیوش گوئل نے ٹویٹ کیا کہ 'کشمیر کی چیری کا سواد، اب دبئی بھی یاد رکھے گا۔

انہوں نے کہا کہ 'کشمیر کی مشری چیری کو پہلی بار سرینگر سے دبئی کے لیے برآمد کی گئی۔ بھارت کی زرعی مصنوعات کی بڑھتی برآمد سے کاشتکاروں کی آمدنی میں اضافہ کے ساتھ ساتھ عالمی منڈی میں ہمارا حصہ بڑھ جائے گا۔

جموں و کشمیر میں پیدا ہونے والی چیری میں شری قسم کی چیری سب سے بہتر سمجھی جاتی ہے۔ اس کی فصل اپریل کے مہینے میں آنا شروع ہوتی ہے۔ اس چیری میں وٹامن اور مِنرلس اچھی مقدار میں پائے جاتے ہیں۔