مرکز کے زیر انتظام جموں و کشمیر میں انتظامیہ نے یوم آزادی کی تقریبات کے سلسلے میں ہر گھر جھنڈا پروگرام Har Ghar Jhanda Programme کے لئے ایک کمیٹی کے قیام عمل میں لایا ہے ہے۔ سرکاری حکم نامہ میں کہا گیا ہے کہ اس بات کا حکم دیا جاتا ہے کہ محکمہ داخلہ کے فائنانشل کمشنر (ایڈیشنل چیف سیکریٹری) مرکزی زیر انتظام خطے جموں کشمیر میں یوم آزادی تقریبات 2022 کے احسن طریقے سے انجام دیہی کیلئے مجموعی طور پر انچارج ہوں گے۔ Administration Forms Committee To Conduct Jhanda Program
پرنسپل سیکریٹری منوج کمار دیویدی کی جانب سے جاری حکم نامہ میں کہا گیا کہ مرکزی زیر انتظام خطے جموں کشمیر میں ہر گھر جھنڈا پروگرام کیلئے ایک کمیٹی کی تشکیل کو منظوری دی گئی ہے۔ حکم نامے کے مطابق سات رکنی کمیٹی کی کمان بھی محکمہ داخلہ کے فائنانشل کمشنر (ایڈیشنل چیف سیکریٹری) کو سونپی گئی ہے جبکہ کمیٹی میں محکمہ شہری ترقی و مکانات، محکمہ اعلیٰ تعلیم، محکمہ یوتھ سروس اینڈ سپورٹس اور محکمہ تعلیم کے پرنسپل سیکریٹریوں کے علاوہ محکمہ دیہی ترقی و پنچایتی راج کے کمشنر سیکریٹری اور محکمہ کلچر کے سیکریٹری ممبران ہوں گے۔ Committee To Conduct Jhanda Program