محکمہ جل شکتی میں کام کر رہے عارضی ملازمین نے جمعرات کے روز سرینگر کی پریس کالونی میں احتجاج کیا۔ مظاہرین نے محکمے کے کئی اداروں کو سرینگر میونسپل کارپوریشن کے ساتھ ضم کرنے کی مخالفت کی۔
واضح رہے کہ انتظامیہ کی طرف سے مذکورہ محکمے کے کئی اداروں کو میونسپل کارپوریشن کے ساتھ ضم کرنے کا فیصلہ کیا گیا ہے۔
محکمے پی ایچ ای کے احاطے میں درجنوں کیجول ایمپلائز جمع ہوئے۔ مظاہرین ہاتھوں میں پلے کارڈس لیے ہوئے تھے جن پر ہمارے ساتھ انصاف کرو اور محکمے کو ضم کرنے کے فیصلے کو واپس لو جیسے مطالبات اور نعرے تحریر تھے۔
اس دوران ایمپلائز کے صدر سجاد احمد پرے نے اس فیصلے کو مسترد کرتے ہوئے کہا کہ یہ فیصلہ ملازمین کو قبول نہیں ہے۔ ہم نے اس محکمے کو جی جان سینچا ہے اور یہ فیصلہ ملازمین کے ساتھ دھوکہ ہے۔ مظاہرین کے مطابق یہ فیصلہ ملازمین کے حقوق چھیننے کے مترادف ہے جسے وہ کھبی قبول نہیں کریں گے۔ انہوں نے انتظامیہ سے اس فیصلہ کو واپس لینے کی اپیل کرتے ہوئے کہا کہ اگر اس فیصلے کو واپس نہیں لیا گیا تو ملازمین کسی بھی حد تک جانے کے لیے تیار ہے۔