Tourism Flow In Kashmir جی ٹوئنٹی سربراہ اجلاس کے بعد ملکی اور غیر ملکی سیاحوں کی آمد میں اضافہ، سیکرٹری ٹورزم

سیکرٹری سیاحت و ثقافت سید عابد رشید نے کہا کہ شعبہ سیاحت جموں و کشمیر کی معیشت میں ریڑھ کی ہڈی کی حیثیت رکھتا ہے۔ انہوں نے کہا کہ اس شعبہ سے 22 لاکھ سے زائد افراد بالواسطہ اور بالواسطہ طور پر وابستہ ہیں۔

سرینگر:سیکرٹری سیاحت و ثقافت سید عابد رشید نے کہ جموں و کشمیر میں سیاحوں کی خاصی تعداد دیکھنے کو مل رہی ہے کیونکہ رواں برس ملکی اور غیر ملکی سیاحوں کی آمد ریکارڈ توڑ رہی ہے۔ ایسے میں موسم سرما میں زیادہ سے زیادہ سیاحوں کو یہاں کی طرف راغب کرنے کے لیے وسیع انتظامات کیے جا رہے ہیں۔ان باتوں کا اظہار سیکرٹری سیاحت سید عابد رشید شاہ نے ایس کے آئی سی سی سرینگر میں ایک تقریب کے دوران صحافیوں سے بات چیت کے دوران کیا۔

انہوں نے کیا کہ جی ٹوئنٹی اجلاس کے بعد سیاحوں کی آمد میں کافی اضافہ ہوا اور غیر ملکی سیاح بھی یہاں کی طرف مائل ہوئے۔ گلمرگ اور پہلگام جیسے سیاحتی مقامات کے علاوہ جموں و کشمیر میں مزید سیاحوں کو راغب کرنے کی خاطر نئے سیاحتی مقامات نقشے پر لایا جارہا ہے۔

انہوں نے کہا کہ شعبہ سیاحت جموں و کشمیر کی معیشت میں ریڑھ کی ہڈی کی حیثیت رکھتا ہے، جس کا جی ایس ڈی پی کا تقریباً 7.2 فیصد حصہ ہے جبکہ 22 لاکھ سے زائد افراد شعبہ سیاحت سے بالواسطہ اور بالواسطہ طور وابستہ ہیں۔

سید عابد رشید نے کہا کہ موسم سرما میں کافی سرد ہوتی ہے لیکن لوگوں کے گرم دل ملکی اور غیر ملکی سیاحوں کے استقبال کے لیے تیار ہیں جو کشمیر میں کچھ وقت گزارنا چاہتے ہیں۔ انہوں نے مزید کہا کہ حال ہی میں گلمرگ میں موسم سرما کے انتظامات کا تفصیلی جائزہ لیا گیا اوریہ ساحتی مقام سیاحوں کی میزبانی کے لیے تیار ہے۔