سات روزہ ٹیولپ فوڈ فیسٹیول Tulip Food Festival کا افتتاح سیکریٹری ٹور ازم اینڈ کلچر، سرمد حفیظ نے کیا۔ انہوں نے کہا کہ کشمیر میں شعبۂ سیاحت کو فروغ دینے کے لئے اس سات روزہ ٹیولپ فوڈ فیسٹیول کا انعقاد کیا گیا تاکہ وادیٔ کشمیر کی سیر پر آنے والے سیاحوں کو کشمیری پکوانوں سے متعارف کروایا جائے، جن میں قہوہ، نون چائے اور واز وان شامل ہیں۔ Kashmiri Dishes
کشمیر کی خوبصورتی کا ذکر جتنا بھی ہو کم ہے۔ ہر موسم کا اپنا الگ ہی حسن ہے لیکن موسم بہار کا نظارہ اتنا مسحور کن ہوتا ہے کہ انسان ان نظاروں میں کھو کر رہ جاتا ہے۔ یہاں کی قدرتی خوبصورتی کے بیچ کشمیری پکوان بھی دنیا بھر میں پسند کیے جاتے ہیں اور جب بات کشمیری پکوانوں کی ہو تو اس میں بہترین ذائقے کا انتخاب کرنامشکل ہے۔
فوڈ فیسٹیول میں کشمیر کے مختلف حصوں کے پکوانوں کو ایک جگہ اکٹھا کیا گیا ہے، تاکہ سیاح موسم بہار میں کشمیری پکوانوں کا لطف اٹھاسکیں۔ سیکریٹری سیاحت سرمد حفیظ نے کہا ’ محکمۂ سیاحت نے موسم بہار میں سیاحت کو فروغ دینے کے لیے سلسلہ وار پروگرام منعقد کئے اور فوڈ فیسٹیول کا انعقاد بھی اسی کا ایک حصہ ہے۔ موسم بہار میں سیاحوں کو کشمیری پکوانوں سے متعارف کرانا اس فیسٹیول کا بنیادی مقصد ہے۔