محکمہ سیاحت نے ٹورازم یونٹوں کی رجسٹریشن کا آن لائن طریقہ دوبارہ شروع کردیا ہے جو 2019 میں معطل ہوگیا تھا۔
اس آن لائن موڈ کے ذریعے سیاحتی یونٹ ہولڈر محکمہ کے پاس جموں و کشمیر ٹورسٹ ٹریڈ ایکٹ 1978/2011 کے تحت اپنی یونٹ کی رجسٹریشن کے لئے صرف دستاویزات کی ایک سیٹ کے ساتھ پورٹل www.tourismjk.nic.in پر لاگ ان کرکے درخواست دے سکتا ہے۔
پورٹل کے ڈیش بورڈ پر درخواست موصول ہونے پر رجسٹریشن اتھارٹی دستاویزات کی آن لائن جانچ کر کے رجسٹریشن سرٹیفکیٹ جاری کرے گی۔
اس سے محکمہ اور یونٹ ہولڈر کے مابین انسانی مداخلت ختم ہوجائے گی اور رجسٹریشن انتہائی شفاف طریقے سے کی جائے گی۔ ابتدائی طور پر آن لائن رجسٹریشن ٹریول یونٹوں کے سلسلے میں دوبارہ شروع کی گئی ہے اور آہستہ آہستہ اس کی توسیع دوسرے سیاحت یونٹوں اور ان کی تجدید تک بھی کردی جائے گی۔
تقریب کے موقع پر سیکرٹری سیاحت، ثقافت اور یوتھ سروسز اینڈ سپورٹس، سرمد حفیظ نے آن لائن سروس کی دوبارہ شروعات کا باضابطہ آغاز کیا۔
انہوں نے کہا کہ یہ پورٹل بہت متحرک اور صارف دوست ہے جو اندراج کے عمل کو مزید ہموار کرے گا۔
