Petition Of Ex-IPS Officer ہائی کورٹ نے سابق آئی پی ایس افسر کی عرضی کو نمٹایا

ہائی کورٹ کے جج رجنیش اوسوال نے 11 ستمبر کو ایک حکم نامے میں درخواست گزار بسنت رتھ کو اپنی شکایات کے ازالے کے لئے متعلقہ ایجنسیوں کی طرف رجوع کرنے کی اجازت دی ہے۔

سرینگر:جموں وکشمیر اور لداخ ہائی کورٹ نے ایک عرضی کو نمٹایا جس میں سابق انڈین پولیس سروس (آئی پی ایس) افسر بسنت کمار نے رہائش، گاڑی اور حفاظتی کور طلب کیا تھا۔ بتادیں کہ وزارت امور داخلہ نے ماہ گزشتہ 'عوامی مفاد' میں بسنت کمار کی قبل ازوقت ریٹائرمنٹ کا حکم صادر کیا تھا۔

ہائی کورٹ کے جج رجنیش اوسوال نے 11 ستمبر کو ایک حکمنامے میں درخواست گزار بسنت رتھ کو اپنی شکایات کے ازالے کے لئے متعلقہ ایجنسیوں کی طرف رجوع کرنے کی اجازت دی ہے۔رٹ پٹیشن میں عرضی گزار نے خود کو ضلع سانبہ کا رہائشی ظاہر کیا تھا اور ہائی کورٹ کی سرینگر ونگ کے سامنے عرضی دائر کی تھی جس میں جواب دہندگان سے اس کے حق میں رہائش اور گاڑی کے ساتھ ساتھ حفاظتی کور طلب کی گئی تھی۔

حکمنامے میں کہا گیا کہ 'ایسا کچھ بھی ریکارڈ پر نہیں رکھا گیا ہے کہ جو اس بات کی عکاسی کرسکے کہ درخواست گزار نے کسی بھی وقت اپنی شکایت (شکایات) کے ازالے کے لئے جواب دہندگان سے رابطہ کیا تھا'۔

حکمنامے میں مزید کہا گیا کہ 'جو بھی ہو، موجودہ رٹ پٹیشن کو درخواست گزار کو اپنی شکایت (شکایات )، اگر کوئی ہوں، کے ازالے کے لئے متعلقہ ایجنسیوں کی طرف رجوع کرنے کی اجازت دے کر نمٹایا جاتا ہے'۔