سرینگر میں جموں وکشمیر حج و عمرہ ٹور آپریٹرس ایسوسی ایشن J&K Haj & Umrah Tour Operators Association نے سرینگر میں ایک پریس کانفرنس کے دوران سعودی عرب کی جانب سے عمرہ ویزا Umrah Visa جاری کیے جانے کے حکمنامے کا خیر مقدم کیا، تاہم انہوں نے کہا کہ عالمی وبا کورونا وائرس کی نئی قسم اومیکرون Omicron Variant کے پیش نظر براہ راست بین الاقوامی پروازوں کا سلسلہ شروع نہیں کیا گیا جس کے سبب ٹور و عمرہ آپریٹرز عمرہ بکنگ Umrah Registration کرنے سے گریز کر رہے ہیں۔
انہوں نے عوام الناس کو ہوشیار رہنے کی اپیل کرتے ہوئے دعویٰ کیا کہ بعض میڈیا اداروں خصوصا سماجی رابطہ گاہوں پر ٹور آپریٹرز مختلف اقسام کے سستے پیکجز سے ’’عوام کو دھوکہ دینے کی کوشش‘‘ کر رہے ہیں۔
انہوں نے کہا کہ بھارت سے سعودی عرب براہ راست پروازوں کا سلسلہ بھی پوری طرح شروع نہیں کیا گیا ہے جس سے ٹور آپریٹرز عمرہ بکنگ انجام نہیں دے رہے۔