JK Bank sacks Sajjad Bazaz جموں و کشمیر بینک کے چیف منیجر سجاد بزاز برطرف

سجاد بزاز نے کافی عرصے تک جموں و کشمیر بینک کے پی آر او کے طور پر بھی کام کیا ہیں۔ اس کے علاوہ وہ سرینگر سے شائع ہونے والے معروف انگریزی روزنامہ میں کالم بھی لکھتے ہیں۔

سرینگر: جموں و کشمیر بینک نے ہفتے کے روز اپنے چیف منیجر سجاد بزاز کو نوکری سے فوری طور پر برطرف کر دیا۔بینک کی جانب سے جاری کردہ حکم نامے میں کہا گیا ہے کہ قابل اعتبار ایجنسیوں سے موصول ہونے والی رپورٹ کے بعد چیف منیجر سجاد احمد بزاز کوڈ نمبر 4484کو نوکری سے برطرف کیا گیا۔ حکم نامہ میں مزید لکھا گیا ہے کہ سروس رول کے مطابق چیف منیجر سجاد احمد بزاز کے خلاف کارروائی عمل میں لائی گئی ہے ۔حکم نامہ کے مطابق ریاست کی سلامتی کے مفاد میں چیف منیجر سجاد بزاز کے کیس میں انکوائری کرنا مناسب نہیں ہے لہذا انہیں فوری طورپر نوکری سے برطرف کیا جاتا ہے۔

چیف منیجر سجاد بزاز نوکری سے برطرف،جے کے بینک چیئرمین

واضح رہے کہ بزاز کافی عرصے تک بینک کے پی آر او کے طور پر بھی کام کر چکے ہیں اور وہ سرینگر سے شائع ہونے والے معروف انگریزی روز نامہ میں کالم بھی لکھتا تھا۔