کورونا وائرس کے بڑھتے کیسز اور اس وبا کی نئی لہر کے خدشات کے پیش نظر کشمیر صوبے میں انتظامیہ نے وادی کے اندر داخل ہونے والے مسافروں کو سرینگر ہوائی اڈے پر لازمی کووڈ-19 کی جانچ کرانے کی ہدایت دی ہے۔
کشمیر کے انچارج صوبائی کمشنر شاہد اقبال چودھری نے ہدایت دی ہے کہ سرینگر ہوائی اڈے پر مزید ٹیسٹنگ سہولیات دستیاب رکھی جائیں تاکہ مسافروں کو دقت کا سامنا نہ ہو۔
شاہد اقبال چودھری نے اس ضمن میں انتظامیہ کے اعلی اور متعلقہ افسران سے میٹنگ منعقد کی جس میں ان کو ہدایت دی گئی کہ وادی میں داخل ہونے والے ہر مسافر کو ضروری کووڈ جانچ کی جائے تاکہ نئی وبا کے لہر کے خدشات کے پیش نظر شہریوں کو محفوظ رکھا جائے-
انہوں نے کہا کہ کورونا وائرس میں مثبت پائے جانے والے مسافروں کو قرنطینہ میں رکھا جائے گا اور منفی پائے جانے والے افراد کو ہی وادی میں داخل ہونے کی اجازت ہوگی-
یہ بھی پڑھیے
کشتواڑ میں سڑک حادثہ، ایک ہی کنبے کے تین افراد ہلاک