عمران رضا انصاری پیپلز کانفرنس کے جنرل سیکریٹری عہدے سے مستعفی

عمران رضا انصاری نے استعفیٰ دینے کی وجہ بتاتے ہوئے کہا کہ اس قدم کا مقصد نئے چہروں کو اُبھرنے کا موقع فراہم کرنا ہے تاکہ کسی کو ایسا نہ لگے کہ یہ پارٹی صرف دو مخصوص لوگ ہی چلا رہے ہیں۔

سابق وزیر اور پیپلز کانفرینس کے سینئر رہنما عمران رضا انصاری نے پارٹی کے جنرل سیکریٹری کے عہدے سے استعفیٰ دے دیا ہے۔

ای ٹی وی بھارت سے فون پر بات کرتے ہوئے انہوں نے بتایا 'ہر گزرتے دن کے ساتھ ہماری پارٹی میں نئے لوگ شامل ہو رہے ہیں۔ اس لیے میں نے آج سے جنرل سیکریٹری کا عہدہ چھوڑنے کا فیصلہ کیا اور پارٹی صدر کو اپنا استعفی بھیج دیا ہے۔

اُن کا مزید کہنا تھا 'استعفیٰ دینے کی وجہ بس یہ ہے کہ نئے چہروں کو اُبھرنے کا موقع فراہم کیا جائے اور کسی کو ایسا نہ لگے کہ یہ پارٹی صرف دو مخصوص لوگ ہی چلا رہے ہیں'۔