سرینگر: آئی ای ڈی حملہ ناکام

پولیس کے مطابق سی آر پی ایف بم ڈسپوزل سکواڈ نے آئی ای ڈی کو ناکارہ بنا دیا۔

جموں و کشمیر کے دارالحکومت سرینگر کے چھانہ پورہ میں سیکورٹی فورسز نے آئی ای ڈی حملے کو ناکام بنا دیا ہے۔

پولیس کے مطابق چھانہ پورہ میں نامعلوم عسکریت پسندوں نے سڑک کے کنارے ایک آئی ای ڈی نصب کیا تھا، تاہم چوکس سیکورٹی فورسز اہلکاروں نے اس کو دیکھا اور ایک حملہ کو ٹال دیا۔

پولیس کے مطابق سی آر پی ایف بم ڈسپوزل سکواڈ نے آئی ای ڈی کو ناکارہ بنا دیا اور حملے کو ناکام کیا۔ بتا دیں کہ اس علاقے میں سیکورٹی فورسز کے اہلکار بڑی تعداد میں تعینات رہے ہیں کیوں چھانہ پورہ علاقہ جنوبی کشمیر اور بڈگام سے متصل ہے جہاں سے پولیس کے مطابق شہر میں عسکریت پسند گھس جانے کی کوششوں میں لگے رہتے ہیں۔