جنوبی کشمیر کے ضلع پلوامہ میں گزشتہ ہفتے سکیورٹی فورسز نے عسکریت پسندوں کی جانب سے مبینہ طور ایک کار میں آی ای ڈی منصوبے کو ناکارہ بنایا تھا اور پولیس کا کہنا ہے کہ اس آی ای ڈی کو بنانے کے ماہر فوجی بھائی نامی عسکریت پسند کو آج پلوامہ کے کنگن گاؤں میں ہلاک کیا گیا ہے-
کشمیر پولیس رینج کے انسپکٹر جنرل وجے کمار نے سرینگر میں پریس کانفرنس سے خطاب کرتے ہوئے کہا کہ اس تصادم میں جیش محمد تنظیم کے تین عسکریت پسند ہلاک کئے گئے ہیں-
انکا کہنا تھا کہ ان میں پاکستان کے ملتان کا رہنے والا عسکریت پسند عبدالرحمن عرف فوجی بھائی شامل ہیں جو آی ای ڈی بنانے کا ماہر ہے-
انکا کہنا تھا کہ جیش کے کمانڈر عبداللہ غازی جنوبی کشمیر کے کھریو جنگلوں میں چھپے ہوئے ہیں اور سیکورٹی فورسز کو انکی تلاش میں لگی ہوئی ہے-
انہوں نے کہا کہ 'ریاض نائیکو کی ہلاکت کے بعد فوجی بھائی کی ہلاکت سیکورٹی فورسز کیلئے بڑی کامیابی ہے-'
انکا کہنا تھا کہ جیش کے ابھی دو آئی ای ڈی بنانے کے ماہر عسکریت پسند جنوبی کشمیر میں سرگرم ہیں اور سیکورٹی فورسز ان کی تلاش میں ہیں-
انہوں کا کہ ان سرگرم عسکریت پسندوں کی شناخت ولید بھائی اور لمبو بھائی کے بطور ہوئی ہے اور ان کا منصوبہ پلوامہ جیسا کار بم دھماکہ کرنے کا ہے، لیکن سیکورٹی فورسز اس بات سے واقف ہیں اور انکے منصوبوں کو ناکارہ بنانے کا عزم رکھتے ہے-
انہوں نے کہا کہ پلوامہ میں چھڑپ میں مزید دو مقامی عسکریت پسند شامل ہیں جن کی شناخت کی جارہی اور پولیس نے انکے والدین کو شناخت کرنے کے لیے بلایا ہے-
انکا کہنا تھا کہ ان تینوں ہلاک شدہ عسکریت پسندوں کو ضلع بارہمولہ میں دفن کیا جائے گا-