ہندوارہ: ریچھ کے حملے سے میاں بیوی زخمی

جنگلی ریچھ نے گھر میں کام کر رہے میاں بیوی پر حملہ کر کے زخمی کر دیا جنہیں علاج و معالجہ کے لیے زچلڈارہ ہسپتال منتقل کیا گیا ہے۔

شمالی کشمیر کے ضلع کپوارہ کے شہر ہندوارہ کے راجوار وڈربالا علاقے میں پیر کے روز ایک جنگلی ریچھ نے گھر میں کام کر رہے میاں بیوی پر حملہ کر کے زخمی کر دیا۔ اطلاع کے مطابق متاثرین کی شناخت عبدالرشید میر اور ان کی اہلیہ راجہ بیگم کے طور پر ہوئی ہے جنہیں علاج و معالجہ کے لیے زچلڈارہ ہسپتال منتقل کیا گیا ہے۔

مقامی لوگوں نے محکمۂ وائلڈ لائف کے افسران سے مطالبہ کیا کہ 'گاؤں میں اس ریچھ کو پکڑنے کے لئے جال بچھایا جائے۔