وادی کشمیر میں مسلسل بھاری برفباری جاری ہے جس سے عوامی زندگی متاثر ہوئی ہے۔
اس تعلق سے افسران کا کہنا ہے کہ 'ہمیں آج صبح اطلاع ملی تھی کہ دو پرانی ہاؤس بوٹ ڈل جھیل میں ڈوب گئی ہیں جس کے بعد ریور پولیس، این ڈی آر ایف اور فائر اینڈ ایمرجنسی سروسز کے اہلکاروں کو وہاں بھیجا گیا ہے'۔
یہ بھی پڑھیں: منڈی کے ساوجیاں اور لورن میں شدید برفباری
انہوں نے مزید کہا کہ 'موقع پر پہنچ کر اہلکار دو غیر ریاستی سیاحوں کو بچانے میں کامیاب ہوئے ہیں۔ دونوں ہاؤس بوٹز کو پانی سے باہر نکال لیا گیا ہے۔ کسی بھی قسم کے جانی نقصان کی کوئی خبر نہیں ہے'۔
عوام سے احتیاط برتنے کی گزارش کرتے ہوئے انہوں نے کہا کہ 'وادی کشمیر میں مسلسل برفباری ہو رہی ہے جس کی وجہ سے عوام کو بھی کافی مشکلات کا سامنا کرنا پڑ رہا ہے۔ اس لیے اگر کوئی بھی مشکل پیش آتی ہے تو انتظامیہ کی جانب سے جاری کردہ ہیلپ لائن نمبرز پر رابطہ کر سکتے ہیں'۔
