HC Bars FIR Against IAS Officer : انشل گرگ کے خلاف ایف آئی آر پر ہائی کورٹ نے لگائی روک

سابق ڈی سی کپوارہ انشل گرگ (جو اس وقت ویشنو دیوی شرائن بورڈ کے سی ای او ہیں) کے خلاف دائر کیس پر ہائی کورٹ نے روک لگا دی ہے۔ HCJKL Bars FIR Against IAS Officer Anshul Garg

سرینگر (جموں و کشمیر):شری ماتا ویشنو دیوی شرائن بورڈ کے سی ای او، آئی اے ایس افسر انشل گرگ کے خلاف ان کی اہلیہ نے کیس درج کیا ہے۔ انشل گرگ پر ریاست پنجاب کے پٹیالہ، مہیلا پولیس اسٹیشن میں درج ایف آئی آر میں جہیز کا مطالبہ، رضامندی کے بغیر اسقاط حمل اور دھوکہ دہی کی دفعات شامل ہیں۔ ہائی کورٹ نے اس ایف آئی آر پر روک لگا دی ہے۔ انشل نے ایف آئی آر پر روک لگانے کے لیے جموں و کشمیر اور لداخ ہائی کورٹ میں درخواست دائر کی تھی۔

ایف آئی آر پر روک لگاتے ہوئے جسٹس محمد اکرم چودھری نے درخواست گزار کے وکیل ساکل بھوشن کی دلیل کے بعد کہا کہ ’’ہائی کورٹ کو اپنے دائرہ اختیار سے باہر درج ایف آئی آر کے خلاف درخواست کو خارج کرنے کا اختیار ہے۔ اس لیے ایف آئی آر پر روک لگاتے ہوئے انشل کی اہلیہ کو چار ہفتوں کے اندر اعتراضات داخل کرنے کو کہا گیا ہے۔‘‘

قبل ازیں ایڈوکیٹ ساکل نے ایف آئی آر کو اس بنیاد پر چیلنج کیا تھا کہ انشل کی اہلیہ پنجاب کے ایک ہائی پروفائل شخص کی بیٹی ہے۔ جن کے والد پنجاب کے اقتصادی پالیسی اور پلاننگ بورڈ کے ڈپٹی چیئرمین کے طور پر کابینہ کے عہدے پر فائز ہیں۔ انہونے کہا کہ ’’ان (گرگ) کی بیوی پولی سسٹک اوورین ڈیزیز (پی سی او ڈی) کی وجہ سے حاملہ ہونے اور حمل برقرار رکھنے میں دشواری کی وجہ سے بانجھ پن کا شکار تھی۔‘‘ ان کا مزید کہنا تھا کہ ’’پی سی او ڈی کی وجہ سے اختلاف پیدا ہوا۔ لہذا، اس نے ظلم، جسمانی اور ذہنی تشدد کے جھوٹے الزامات عائد کیے ہیں اور اسی کے نتیجے میں اس کا حمل ساقط ہوا۔‘‘ جج نے دلائل سننے کے بعد ایف آئی آر پر روک لگا دی۔