Gujjar Youth on Khatana RS Member Nomination: غلام علی کھٹانہ راجیہ سبھا میں ہماری آواز بنیں گے، عوام

صوبہ جموں سے تعلق رکھنے والے گوجر لیڈر غلام علی کھٹانہ کو راجیہ سبھا ممبر نامزد کیے جانے پر گجر طبقہ سے وابستہ لوگوں نے خوشی کا اظہار کرتے ہوئے گوجر لیڈر سے کافی امیدیں وابستہ رکھی ہیں۔ Gujjar leader Gh Ali Khatana Nominated RS Member

سرینگر:صدر جمہوریہ ہند دروپدی مرمو کی جانب سے جموں کے بھٹنڈی علاقے کے بھارتیہ جنتا پارٹی (بی جے پی) کے گوجر لیڈر غلام علی کھٹانہ کو راجیہ سبھا کا رکن نامزد کرنے پر گوجر کارکنان بے حد خوش ہیں۔ صوبہ جموں سمیت وادی کشمیر کے مختلف علاقوں سے تعلق رکھنے والے گوجر لیڈران و کارکنان نے کہا کہ 'غلام علی کھٹانہ راجیہ سبھا میں گوجر آبادی کی آواز بن کر انکے مسائل پر بات کریں گے۔ Gh Ali Khatana Nominated RS Member

ای ٹی وی بھارت کے ساتھ بات کرتے ہوئے ضلع اننت ناگ کے روشن کھٹانہ نامی سیاسی کارکن نے کہا کہ 'بھارتیہ جتنا پارٹی کی قیادت نے گوجر آبادی کو آواز دی ہے اور اب یہ آبادی اس کے بدلے میں پارٹی کو (آئندہ انتخابات میں) ووٹ دے گی۔ ضلع شوپیان کے اشفاق احمد نے ای ٹی وی بھارت کو بتایا کہ 'گوجر آبادی پہاڑیوں پر رہائش پذیر ہوتی ہے جہاں ان کو تعمیر و ترقی کے گوناگوں مسائل درپیش ہوتے ہیں اور امید ہے کہ غلام علی کھٹانہ ہمارے مسائل راجیہ سبھا میں اٹھا کر انکا ازالہ کرائیں گے۔‘‘

شمالی کشمیر کے ضلع بانڈی پورہ کے سلیم چودھری نے بتایا کہ گوجر آبادی کے نوجوان عام طور پر تعلیم و دیگر سہولیات سے محروم رہتے ہیں کیونکہ دور دراز علاقوں میں اس آبادی کا کوئی پرسان حال نہیں ہوتا۔ انہوں نے امید ظاہر کی کہ غلام علی کھٹانہ کے راجیہ سبھا ممبر بننے سے انکی مشکلات دور ہوں گی اور نوجوان آبادی کو جدید تعلیم و ترقی سے آشنا کرائیں گے۔Gujjar Youth on Gh Ali Khatana

قابل ذکر ہے کہ گوجر لیڈر غلام علی کھٹانہ نے سنہ 2008 میں پنتھرس پارٹی کو رخصت کرکے بی جے پی میں شمولیت اختیار کی تھی اور مختلف عہدوں پر فائز رہے۔ وہ فی الوقت بی جے پی کے طبقہ فہرست قبائل مورچہ کے نائب صدر ہے۔