چھانہ پورہ میں سی آر پی ایف ناکہ پارٹی پر گرینیڈ حملہ

سرینگر کے چھانہ پورہ علاقے میں جمعہ کے روز عسکریت پسندوں نے سیکیورٹی فورسز پردستی بم پھینکا، جس کے نتیجے میں ایک اہلکار معمولی طور پر زخمی ہو گیا۔ وہیں زخمی ایک اہلکار کو اسپتال میں داخل کرایا گیا۔

جموں و کشمیر کی گرمائی دارلحکومت سرینگر کے چھانہ پورہ علاقے میں جمعہ کے روز عسکریت پسندوں نے سیکیورٹی فورسز پردستی بم پھینکا، جس کے نتیجے میں ایک اہلکار معمولی طور پر زخمی ہو گیا۔

سی ار پی ایف کے ترجمان ابھے رام نے ای ٹی وی بھارت کو بتایا کہ 'آج تقریباً 1:15 بجے نامعلوم عسکریت پسندوں نے سی ار پی ایف کی 29 بٹالین کی ناکہ پارٹی پر دستی بم پھینکا۔ جس کے نتیجے میں ایک اہلکار کو معمولی چوٹ آئی ہے۔'

اُن کا مزیدکہنا تھا کہ "یہ حملہ چھانہ پورہ پولیس اسٹیشن کے سامنے پیش آیا ہے۔

اطلاع کے مطابق ایک خاتون بھی زخمی ہوئی ہے تاہم اس کی تصدیق ابھی نہیں ہو پائی ہے۔

حملے کے بعد پولیس نے علاقے کو محاصرہ میں لے لیا ہے اور حمہ آوروں کی تلاش جاری ہے۔