حکومت نے مٹن کی قیمت 480 روپے فی کلو مقرر کردی

ڈیویژنل کمشنر کشمیر نے کہا کہ قیمتیں تمام عوامل، پیداوار لاگت، نقل و حمل، پروسیسنگ، کاٹنے اور دیگر تمام اخراجات کو مدنظر رکھنے کے بعد طے کی گئی ہیں۔

ڈویژنل کمشنر کشمیر پانڈورنگ کے پولے نے پیر کو ریٹ فکسسیشن کمیٹی کے اجلاس کی صدارت کی اور کشمیر میں مٹن کے مقررہ نرخ 480 روپے (ریٹیل) اور 450 روپے (ہول سیل) طے کی۔

اس میٹنگ میں ڈائریکٹر ایف سی ایس اینڈ سی اے، ڈائریکٹر انیمل ہسبینڈری، اے ڈی سی سری نگر، جے ڈی ایکسٹینشن، ٹیکنیکل آفیسر شیپ ہسبنڈری کے علاوہ گوشت فروش (ریٹیل) اور تھوک فروش ایسوسی ایشن کے ممبران اور میڈیا افراد نے شرکت کی۔

ڈیوژنل کمشنر نے کہا کہ قیمتیں تمام عوامل، پیداوار لاگت، نقل و حمل، پروسیسنگ، کاٹنے اور دیگر تمام اخراجات کو مدنظر رکھنے کے بعد طے کی گئی ہیں۔

انہوں نے کہا کہ اب حکومت کے ہول سیل پرائسنگ انڈیکس کے مطابق مٹن کی شرحوں میں سالانہ ترمیم کی جائے گی۔

پولے نے سرکاری نرخوں پر سختی سے عمل درآمد پر زور دیتے ہوئے کہا ہے کہ اگر کسی کو سرکاری نرخوں کی خلاف ورزی کا مرتکب پایا گیا تو ان کے خلاف سخت کارروائی کی جائے گی۔

انہوں نے ہول سیل ڈیلرز سے اپیل کی کہ وہ باہر کی منڈیوں یا مختلف ریاستوں کے ڈیلروں سے ریٹ لسٹ کے مطابق مٹن خریدیں تاکہ مٹن کی زیادہ قیمت وصول کرنے یا بلیک مارکیٹنگ سے بچا جس سکے۔