ریاست اتر پردیش کے ضلع آگرہ میں واقع راجہ بلونت سنگھ انجینئرنگ ٹیکنیکل کالج کے تین کشمیری طالب علم کو بھارت اور پاکستان کے درمیان ہوئے ٹی-20 ورلڈ کپ میچ میں پاکستان کی جیت کا جشن منانے اور سوشل میڈیا پر مبینہ طور پر پاکستان کو مبارک باد دینے کے الزام میں تین کشمیری طلباء کو معطل کردیا گیا تھا۔
اطلاعات کے مطابق، پولیس نے ان کے خلاف آئی پی سی کی دفعہ 153 اے (مختلف گروہوں کے درمیان دشمنی کو فروغ دینا)، 505 (1) (بی) (عوام میں خوف یا خطرے کا باعث بننے کے ارادے سے) اور انفارمیشن ٹیکنالوجی ایکٹ کی دفعہ 66 ایف کے تحت مقدمہ درج کیا تھا، عدالت نے ان تینوں طلباء کو 14 دنوں کے لیے جوڈیشل ریمانڈ میں بھیج دیا ہے۔
سرینگر میں بانڈی پورہ کے شاہ گنڈ گاؤں سے تعلق رکھنے والے طالب علم شوکت احمد گنائی کے والدین نے اپنے بیٹے کے لیے احتجاج کیا اور حکومت سے درخواست کیا کہ ان کے بچوں کو معاف کرکے رہا کیا جائے۔